Uwari Umutoza mukuru wa APR FC, Darco Novic n’abari bamwungirije basezeye abakinnyi b’iyi kipe y’ingabo banahabwa impano z’urwibutso.
Abo batoza basezeye abakinnyi mu myitozo yo kuri uyu kane tariki ya 15/05/2025, bakaba babasezereye imbere ya Chairman wa APR FC, Brig.Gen Deo Rusanganwa.
Darco Novic na bagenzi basheshe amasezerano ku bwumvikane na APR FC, bakaba ku mugoroba wo kuwa gatatu tariki ya 14/05/2025 baranasangiye n’Ubuyobozi bw’iyi kipe y’ingabo hamwe n’abandi bakozi mu rwego rwo kubasezera.
Darco Novic n’abari bamwungirije bageze muri APR FC ku itariki ya 24/06/2024 bakaba bari bamaze gutoza iyi kipe y’ingabo imikino 46, aho begukanye igikombe cyo kwizihiza umunsi w’ubutwari ndetse n’igikombe cy’amahoro.
