E-mail: administration@aprfc.rw

Zlatko ati: ubu umukino tureba n’umukino uzaduhuza na Bugesera indi mikino yose twakinnye yabaye amateka

Zlatko Krmpotić umunya Serbia utoza ikipe ya APR FC yavuze ko imikino yose ya shampiyona bamaze gukina ngo yabaye amateka kuri bo, ahubwo ngo umukino uzabahuza na Bugesera FC niwo berekejeho imbaraga zose.

Ikipe ya APR FC yatangiye ku munsi w’ejo kwitegura umukino w’umunsi wa 24 wa shampiyona uzayihuza na Bugesera mu mpera z’iki cyumweru. Umutoza w’iyi kipe akaba yatubwiye ko amaso n’imbaraga babyerekeje kuri uyu mukino barimo kwitegura.

Ati: mu mupira w’amaguru ibisubizo byose ubonye uba usabwa kubyakira kandi ntubitindeho kugira ngo ubashe gutegura ibiri imbere, imikino yose tumaze gukina yaba iyo twatsize ndetse niyo tutatsinze byose byabaye amateka uko imikino yagendaga isimburana, ubu rero umukino tureba n’uzaduhuza na Bugesera FC niwo dushyizeho imbaraga.

Kugeza ubu hamaze gukinwa imikino 23 ya shampiyona, ikipe ya APR FC niyo iyoboye urutonde rea shampiyona n’amanota 54 ni nayo kipe kugeza ubu izigamye ibitego byinshi muri shampiyona, ibitego 25 mu mikino 23 imaze gukina. APR FC uyu munsi ikaba iri bukore imyitozo saa tatu i Shyorongi.

Leave a Reply

Your email address will not be published.