Ikipe y’ingabo z’igihugu ishyize hanze abakinnyi 18 bagiye guhangana na Etoile de l’Est yo mu cyiciro cya kabiri iherereye mu ntara y’Uburasirazuba, mu mukino w’ijonjora rya mbere ry’Igikombe cy’amahoro ugiye kubera kuri Stade ya Kigali i Nyamirambo kuri uyu wa Kabiri Tariki 4 Gashyantare 2020 saa cyenda z’igicamunsi.
Niyonzima Olivier Seifu yagarutse mu bakinnyi 18 kuri uyu mukino, nyuma y’ukwezi n’igice avunikiye mu mukino APR FC yatsinzemo Rayon Sports ibitego 2-0 kuri Stade Amahoro Tariki ya 21 Ukuboza 2019, ba rutahizamu Mugunga Yves ndetse na Nizeyimana Djuma baracyafite ibibazo by’uburwayi ntabwo bari bugaragare muri uyu mukino.
Umutoza Mohammed Adil kandi yahisemo kuruhutsa ba myugariro Omborenga Fitina, Kapiteni Manzi Thierry ndetse na Butera Andrew ukina hagati nyuma yo gukina iminota 90 mu mukino wa nyuma w’igikombe cy’intwari APR FC yegukanye Tariki 01 Gashyantare inganyije na Kiyovu Sports 0-0 kuri Stade Amahoro.
