Nyuma yo gutombora AS Kigali muri 1/8 APR FC igiye gutangira kwitegura uyu mukino utegerejwe na benshi

Nyuma yo kubona itike yo gukomeza muri 1/8 cy’igikombe cy’Amahoro APR FC igiye gutangira kwitegura umukino uzayihuza na AS Kigali tariki 13 uku kwezi.

Ku mugoroba wo kuwa Gatandatu, mu cyumba cy’itangazamakuru cya Stade ya Kigali i Nyamirambo ni ho habereye tombora y’uburyo amakipe azahura muri 1/8 nyuma y’uko hari hamaze kumenyekana amakipe yose 16 azakina iki cyiciro.

Iyi tombora y’uburyo amakipe azahura muri 1/8 yasize ikipe ya APR FC izabanza kwakira ikipe ya AS Kigali tariki 13 Kamena. Zlatko n’abasore be bakaba bagiye gutangira kwitegura uyu mukino utegerejwe n’abenshi

Tubibutse ko APR FC yabonye iyi tike nyuma yo gutsinda Rwamagana City umukino ubanza w’igikombe cy’Amahoro ibitego 2-0 nubwo umukino wo kwishyura APR yawutsinzwe 1-0 bivuze ngo mu mikino yombi yaba ubanza ndetse n’uwo kwishyura byabaye 2-1

Ikipe ya APR FC ikaba iri busubukure gahunda y’imyitozo kuri uyu wa Mbere bitegura ikipe ya AS Kigali uyi munsi saa cyenda zuzuye (15h00′) i Shyorongi nkibisanzwe.