Nyuma y’uko kuri uyu wa Kane habayeho tombora y’uko amakipe umunani yazamutse mu matsinda uko azahura kugira ngo haboneke uwegukana igikombe cya shampiyona, ikipe ya APR FC ikaba yisanze igomba kubanza guhura na Espoir FC, APR FC ikomeje imyitozo yitegura ikindi cyiciro cya shampiyona.
Rutahizamu w’ikipe y’ingabo z’igihugu APR FC Byiringiro Lague akaba yafatanyije n’abagenzi be imyitozo kuri uyu wa Kane, nyuma yo kugaruka avuye mu Busuwisi aho yari yaragiye mu igeragezwa.
Lague akaba yaragarutse mu Rwanda kuri uyu wa gatandatu akabanza kujya mu kato ndetse akanapimwa Covid-19, kuri ubu akaba yasubiye mu mwiherero nyuma yo gusanga nta bwandu bwa Covid-19 afite, akaba kuri uyu wa Kane yafatanyije n’abangenzi be imyitozo bitegura imikino ya shampiyona.
AMAFOTO yaranze imyitozo yo kuri uyu wa kane
