Nyuma yo gukura amanota atandatu i Rubavu itsinze Marines FC na Etincelles FC, Petrović yahaye abasore be ikiruhuko cy’iminsi itatu bakazasubukura imyitozo ku Cyumweru.
Ikipe y’igihugu nkuru igiye gutangira kwitegura umukino uzayihuza na Central African Republic, ndetse n’ikipe y’igihugu y’abataregeje imyaka 23 nayo irimo kwitegura umukino uzayihuza na Congo, byatumye shampiyona iba ihagaze ikazusubukurwa mu mpera z’uku kwezi k’ Ugushyingo.
Muri aka karuhuko, Petrović nawe yahaye abasore be ikiruhuko cy’iminsi itatu bakazasubukura gahunda y’imyitozo ku Cyumweru i Shyorongi saa cyenda n’igice (15H30). APR FC isigaranye abakinnyi 14 mu gihe abandi 8 bahamagawe mu ikipe y’igihugu nkuru n’abandi 5 bahamagwe mu ikipe y’abatarrngeje imyaka 23.