Ikipe y’ingabo z’igihugu yapimishije abakozi bayo bose COVID-19, mbere yo gutangita shampiyona ya 2020-21 ikina na Kiyovu Sports ku munsi wa gatatu wa shampiyona.
Umukino uzabera kuri Stade ya Kigali kuwa Gatanu tariki ya 11, ni nyuma y’uko imikino ibiri ibanza yasubitswe kubera ko ikipe y’ingabo z’igihugu yakinaga imikino ya CAF Champions league aho yasezerewe mu ijonjora rya mbere na Gor Mahia yo muri Kenya ku giteranyo cy’ibitego 4-3 mu mikino yombi.
Ejo kuwa Kabiri, Kiyovu Sports yatsinzwe na Marines FC ibitego 3-0 ku munsi wa kabiri wa shampiyona kuri Stade ya Kigali.
