APR FC yapimishije abakozi ba Bugesera FC COVID-19 mbere y’umukino wa gicuti

Ikipe y’ingabo z’igihugu yapimishije ikipe ya Bugesera FC icyorezo cya COVID-19 mbere y’uko amakipe yombi ahura mu mukino wa gicuti kuwa Kane tariki ya 19 Ugushyingo kuri Stade ya Kigali.

Ni igikorwa cyabereye ku bitaro bya gisirikare i Kanombe gitangira saa tanu z’amanywa, aho hapimwe abakinnyi 21 n’abagize staff icyenda, ibisubizo bikazaboneka kuwa Kane mbere y’umukino uzatangira saa cyenda z’igicamunsi kuri Stade ya Kigali i Nyamirambo.

Ni igikowa APR FC ikora mu rwego rwo kwirinda ko habaho ikwirakwira ry’icyorezo cya COVID-19 mu bakinnyi bayo, kugira ngo izakine amarushanwa ya CAF Champions league bose bafite ubuzima buzira umuze.

Ikipe y’ingabo z’igihugu izakina na Bugesera FC umukino wa cyenda wa gicuti yitegura imikino y’ijonjora rya mbere rya CAF Champions league izakinamo na Gor Mahia, ubanza uzakirwa na APR FC tariki ya 28 Ugushyingo kuri Stade ya Kigali mu gihe uwo kwishyura uzabera i Nairobi hagati ya tariki ya 4 n’iya 6 Ukuboza 2020.

Andi mafoto