Ikipe ya APR FC yamaze kubwirwa n’ishyirahamwr riyobora umupira w’amaguru FERWAFA igihe izakinira imikino yayo ‘ibirarane yahagaritswe bitewe n’imyiteguro y’ikipe y’igihugu ‘Amavubi’ ifitanye umukino na Les Eléphants za Côte d’Ivoire mu mpera z’uku kwezi mu gushaka itike y’igikombe cya Afurika cya 2019 kizabera mu Misiri muri Kamena.
Nk’uko Ishyirahamwe ry’Umupira w’Amaguru mu Rwanda, FERWAFA ryabyandikiye amakipe yose mu ibaruwa bahawe mbere y’uko Amavubi atangira imyiteguro, yerekana impinduka ku ngengabihe ya shampiyona, ivuga ko imikino ibiri ya APR FC izasubikwa kubera umubari munini w’abakinnyi b’iyi kipe bazitabira umwiherero w’ikipe y’igihugu.
Nk’uko tubikesha ibaruwa, FERWAFA yandikiye amakipe afite imikino y’ibirarane uyu munsi, yavuze ko APR FC izakina na Mukura VS mu mpera z’uku kwezi tariki ya wa 27/03/2019 hakinwa umunsi wa 21 bakinire kuri stade ya Huye, naho tariki ya 30/03/2019 ikine na Sunrise hakinwa umunsi wa 22 bakinire kuri stade ya Kigali i Nyamirambo,
APR FC niyo iyoboye urutonde rwa shampiyona n’amanota 48 mu mikino 20 imaze gukinwa, ndetse ni nayo kipe iziganye ibitego byinshi kurusha izindi kipe kuko izigamye ibitego 23, ikarausha amanota 4 amakipe ayikurikiye.