E-mail: administration@aprfc.rw

APR FC isoje imyitozo ya nyuma mbere yo guhura na Mukura VS muri Super Cup

Umukino w’igikombe cya Super Cup uhuza amakipe abiri azahagararira U Rwanda mu mikino mpuzamahanga y’afurika, utegerejwe kuri uyu wa Gatandutu i Rubavu saa cyenda n’igice (15H30) kuri stade Umuganda.

Kapiteni Mugiraneza yavuze ko n’ubwo irushanwa rya Agaciro Developement Fund Tournament ritabagendekeye neza nkuko babyifuzaga, ko biteguye neza uyu mukino. Ati: mbere na mbere ndagira ngo mbanze nsabe imbabazi abakunzi ba APR FC kuko tutabashije kubaha ibyishimo mu irushanwa duheruka gukina, ndabasaba batubabarire natwe siko twabyifuzaga gusa umupira n’uko.

Mugiraneza yakomeje avuga ko uyu mukino uzabahuza na Mukura ku munsi w’ejo bawiteguye neza. Ati: tumaze iminsi ibiri hano, abakinnyi bose bameze neza nta mvune n’imwe dufitemo, Mukura n’ikipe nziza cyane turacyanabifite ku mutima ko ubwo duheruka guhura yadutsinze, gusa nta mukino usa n’undi, ku ruhande rwacu uyu mukino ndakubwiza ukuri ko tuwiteguye neza.

Uyu mukino w’igikombe cya Super Cup uzahuza APR FC yetwaye igikombe cya shampiyona ndetse na Mukura VS yegukanye igikombe cy’Amahoro. APR FC iyageze mu karere ka Rubavu kuri uyu wa Kane uyu munsi ikaba aribwo isoje imyitozo ya nyuma mbere yo guhura na Mukura VS ku munsi w’ejo.

Leave a Reply

Your email address will not be published.