E-mail: administration@aprfc.rw

Ubuyobozi bwa APR FC buranyomoza amakuru yiriwe avugwa ko umwe mu batoza bayo atakibarizwa muri iyi kipe

Mu gitondo cyo kuri uyu wa Kabiri Tariki 24 Werurwe havuzwe amakuru y’uko umwe mu batoza ba APR FC yaba atakibarizwa mu ikipe y’ingabo z’igihugu.

Ubuyobozi bwa APR FC nyuma yo kumva aya makuru, bukaba buyanyomoza.  Ubuyobozi bw’ikipe y’ingabo z’igihugu bukaba bwemeza ko abatoza bose ba APR FC bahari nta n’umwe wirukanywe ahubwo ibivugwa byose ari ibihuha.

Umunyamabanga mukuru wa APR FC Lt. Col Sylvestre Sekaramba akaba yatangaje ko ibivugwa byose ko atari byo.

Yagize ati: “Amakuru yiriwe avugwa ko umutoza wungirije Nabyl Bekraoui yaba yaragiye ntabwo ari yo, uyu mutoza arahari cyane cyane ko nta n’itangazo twigeze dushyira hanze rivuga ko twaba twaramusezereye cyangwa ko tumuhagarike. Ubwo rero ibivugwa byose ni ibinyoma kuko nta gihamya gihari cyavuye muri APR FC ko Nabyl yaba atakiri umutoza wayo.”

Umunyamabanga mukuru akaba yakomeje avuga ko n’ibivugwa ko haba hari umwuka mubi hagati ya Nabyl n’umutoza mukuru Mohammed Adil, nabyo atari byo.

Yakomeje agira ati: “Oya ibyo nabyo sibyo rwose, nta mwuka mubi uri hagati y’abatoza bacu kuko umutoza mukuru Mohammed Adil niwe wazanye Nabyl Bekraoui babanye neza nta kibazo kiri hagati yabo.”

Ubuyobozi bw’ikipe y’ingabo z’igihugu bukaba buboneyeho gusaba abakunzi n’abafana ba APR FC kudaha agaciro ibyo bihuha.

2 Comments

  • ndeshyo

    Why to take so much trouble and be so late in denying an incident that is more than a week old, an incident that has not escaped anyone’s notice ; That expresses great unease !
    I just remind you that Adel Amrouche, who’s free now, is Better and Most Experienced Coach than that narcissistic Adil ! And, I’m quite sure Amrouche would undoubtedly be very happy to collaborate with Bekraoui (who would not be, apart Adil). We’re getting tired of the whimsical Adil. If he continues like this, on that way ; then, the end of Championship could be disastrous for Apr Fc !

Leave a Reply

Your email address will not be published. Required fields are marked *