E-mail: administration@aprfc.rw

Shampiyona y’icyiciro cya mbere irasubukurwa mu mpera z’iki cyumweru, APR FC yakirwa na Rayon Sport

Nyuma y’ibyumweru bibiri isubitswe, shampiyona y’icyiciro cya mbere Azam Rwanda premier league igeze ku munsi wayo wa 23 irasubukurwa mu mpera z’iki cyumweru tariki 20 Mata.

Kuri iyo tariki shampiyona izasubukurirwaho, izatangirana n’umukino ukundwa kandi ugakurikirwa n’abakunzi b’umupira w’amaguru benshi kurusha indi mikino yose ya shampiyona ikinwa hano mu Rwanda. Uwo munsi kipe ya APR FC ikaba izakirwa n’ikipe ya Rayon Sport kuri stade Amahoro.

APR ikaba ikomeje kwitegura uyu mukino uyu munsi bakaba bari bukore kabiri mu gitondo saa tatu (09h00) ndetse na saa cyenda n’igice (15h30) i Shyorongi nkibisanzwe nyuma y’ikiruhuko cy’umunsi umwe umutoza Zlatko yari yahaye abasore be.

Kugeza ubu aya makipe yombi ni nako akurikiranye ku rutonde rwa shampiyona, ikipe ya Rayon Sport izakira uyu mukino iri ku mwanya wa kabiri n’amanota 48 ikaba izigamye ibitego 20 mu mikimo 22 imaze gu kina.

Mu gihe APR FC izaba ari umushyitsi kuri uwo munsi ariyo iyoboye urutonde rwa shampiyona n’amanota 54 ndetse ni nayo izigamye ibitego byinshi, kugeza ubu izigamye ibitego 26 mu mikino 22 nayo imaze gukina.

One Comment

  • Fulgence

    Mutubwirire abasore bacu bakomere, turabashyigikiye, kdi tuzakora uko dushoboye tubabe inyuma pe!

    Muzaduhe ibyishimo twinjire muri Pasika tubyina!

Leave a Reply

Your email address will not be published. Required fields are marked *