E-mail: administration@aprfc.rw

Rusheshangoga Michel na Nakazungu Aimée bamaze gushyira ahagaragara amatariki y’ubukwe bwabo

Rusheshangoga Michel myugariro w’ikipe ya APR FC yamaze gushyira hanze amatariki y’ubukwe bwe n’umukunzi we witwa Nakazungu Aimée, umukobwa bamaze igihe bari mu rukundo.

Nk’uko bigaragara ku rupapuro rw’ubutumire, ubukwe bwabo buteganyijwe tariki ya 26 Nyakanga 2019 aho imihango nyirizina izatangirira kuri Queens Land Park Kanombe saa munani n’igice (14h00’) ubwo bazaba bari mu mihango yo gusaba no gukwa.

Tariki ya 27 Nyakanga 2019, ubukwe bw’aba bombi buzakomeza basezerana imbere y’Imana mu rusengero rwa Foursquare Gospel Church ruri mu murenge wa Kimironko. Amakuru yizewe ngo Rusheshangoga Michel na Nakazungu Aimée bamaze imyaka irenga itatu bakundana.

Rusheshangoga Michel w’imyaka 24 yageze mu ikipe ya APR FC mu 2012 avuye mu Isonga FA, Michel kandi mu 2017 nibwo yavuye muri APR FC yerekeza muri Singida gukina nk’uwabigize umwuga, avayo 2018 agaruka muri APR FC. Kuva mu 2012 ni bwo Rusheshangoga yatangiye guhamagarwa mu ikipe y’igihugu nkuru y’Amavubi.

Leave a Reply

Your email address will not be published. Required fields are marked *