Umukinnyi wo hagati mu ikipe y’ingabo z’igihugu Ruboneka Bosco agiye kumara ibyumweru bitatu atagaragara mu kibuga kubera imvune yariye mu mukino wa gicuti wahuzaga ikipe ya APR FC na AS Maniema Union.
Nyuma yo kugirira imvune muri uwo mukino Ruboneka yacishijwe mu cyuma basanga yaragize ikibazo mu kagombambari ahabwa ibyumweru bitatu binatumye atazagaragara mu mukino ikipe ya APR FC izakina na Mogadishu City Club yo muri Somalia.
Ikipe y’ingabo z’igihugu ikaba ikomeje imyiteguro yitegura imikino ya CAF Champions League aho tariki 12 Nzeri iyi kipe igomba gucakirana na Mogadishu city Club.
