E-mail: administration@aprfc.rw

MU MAFOTO: APR FC yasesekaye i Shyorongi mu mwiherero witegura umwaka w’imikino wa 2020-21

Kuri uyu wa Gatandatu Tariki 3 Ukwakira 2020 saa munani z’amanywa, ikipe y’ingabo z’igihugu yasesekaye i Shyorongi muri Dian Fossey Hotel mu mwiherero witegura umwaka w’imikino wa 2020-21.

Abakinnyi bose uko ari 31 n’abatoza bane nibo bagomba gutangirana imyitozo ejo ku Cyumweru, hategerejwe gahunda y’impuzamashyirahamwe yo ku mugabane wa Afurika CAF izagena uko amakipe azahura mu irushanwa rya CAF Champions league ndetse n’igihe ishyirahamwe ry’umupira w’amaguru mu Rwanda, FERWAFA rizatangariza ingengabihe ya gahunda y’umwaka wa 2020-21.

APR FC ikaba igiye kwitegura amarushanwa y’imbere mu gihugu aho ifite intego yo kuzegukana ibikombe byose bizakinwa umwaka utaha w’imikino, mu karere ikaba ifite intego yo gutwara igikombe cya CECAFA Kagame Cup ndetse no kugera mu matsinda ya CAF Champions league nk’intego yo mu marushanwa yo ku ruhando nyafurika.

APR FC izahagararira u Rwanda muri CAF Champions league umwaka utaha wa 2020-21, nyuma yo gutwara igikombe cya shampiyona cya 2019-20 idatsinzwe umukino n’umwe.

 

Leave a Reply

Your email address will not be published. Required fields are marked *