E-mail: administration@aprfc.rw

MU MAFOTO: Abakozi bose ba APR FC bapimwe bwa kabiri COVID-19

Nyuma y’icyumweru kimwe bapimwe COVID-19, abakozi b’ikipe ya APR FC bose bapimwe iki cyorezo bwa kabiri kuri uyu wa Gatandatu Tariki 10 Ukwakira 2020, nyuma y’icyumweru bari mu mwiherero i Shyorongi bakora imyitozo itegura umwaka w’imikino wa 2020-21.
Umutoza Mohammed Adil n’abasore be bamaze icyumweru batangiye imyitozo, kuri uyu wa Gatandatu akaba yabahaye ikiruhuko kugira ngo bongere bapimwe COVID-19 bamenye uko ubuzima bwabo buhagaze.

Iki gikorwa cyabereye i Shyorongi aho ikipe icumbitse, kikaba cyatangiye saa ine za mu gitondo, kitabirwa n’abakinnyi bose uko ari 31, abatoza bane n’abandi bakozi bose bashinzwe ubuzima bwa buri munsi bw’ikipe.

Mbere yo gupimwa bwa kabiri, umuganga wa APR FC Cpt Nahayo Ernest akaba yarabanje kubasura kuwa Gatatu Tariki 7 Ukwakira aganiriza abakinnyi n’abakozi bose yongera kubibutsa uko COVID-19 yandura, ibimenyetso byayo ndetse no gukomeza kuyirinda.

Kapiteni Manzi Thierry yitabiriye iki gikorwa
Rutahizamu Jacques Tuyisenge yapimwe COVID-19 bwa kabiri

Nyuma y’iki gikorwa ubuyobozi bw’ikipe ya APR FC bukaba bushimira cyane ubuyobozi bw’ingabo z’igihugu n’ishami ry’ubuvuzi bwa Gisirikare, kuba bakomeje kubatera ingabo mu bitugu mu kubafasha gupima abakozi bose ba APR FC.

Umwaka utaha w’imikino ikipe y’ingabo z’igihugu ikaba izitabira amarushanwa y’imbere mu gihugu, CECAFA Kagame Cup 2021 ndetse na CAF Champions League. Ikaba ifite intego yo gutwara ibikombe byose bikinirwa mu Rwanda, kwegukana CECAFA Kagame Cup ndetse no kugera mu matsinda ya CAF Champions League.

Amafoto yaranze iki gikorwa:

Umutoza w’abanyezamu Mugabo Alex yapimwe bwa kabiri nyuma y’icyumweru kimwe
Rutahizamu Danny Usengimana nawe yapimwe
Myugariro Omborenga Fitina apimwa COVID-19
Rutahizamu Nizeyimana Djuma apimwa
Rutahizamu Bizimana Yannick apimwa
Umushoferi wa APR FC, Sgt Munyaneza Jean Bosco apimwa COVID-19
Ushinzwe ibikoresho by’ikipe (kit manager) Nshimiyimana Steven nawe yitabiriye iki gikorwa
Capt Dr Ernest Ndahayo muganga w’ikipe ukomeje gufasha APR FC muri iki gikorwa

Leave a Reply

Your email address will not be published. Required fields are marked *