E-mail: administration@aprfc.rw

Inkuru nziza ku bakunzi ba APR FC, rutahizamu Byiringiro Lague yatangiye imyitozo ndetse ngo yiteguye gufatanya na bagenzi mu mukino bafite kuwa Gatandatu

Umuntu avuze ko iyi ari inkuru nziza ku bakunzi ba APR FC ntiyaba abeshye: Rutahizamu w’ikipe ya APR FC Byiringiro Lague yatangiye imyitozo kandi aremeza ko ameze neza ngo ntakibabara na gato ahubwo ngo yiteguye gufatanya na bagenzi be kwitegura umukino uzabahuza na Rayon Sport mu mpera z’icyumweru gitaha.

Mu kiganiro twaganiriye na Lague nyuma y’imyitozo tumubaza uko yumva ameze nyuma y’ibyumweru bibiri n’iminsi ine akurikiranwa n’abaganga kubera imvune, maze atubwira ko ameze neza ngo ntakibabara na gato ngo icyo agiye gukora ni ugukora cyane kugira ngo agaruke neza mu bihe bye ndetse anafatantanye na bagenzi be kwitegura Rayon Sport.

Ati: nibyo maze iminsi ndwaye nagize ikibazo k’imitsi yo mu itako ariko muganga yakomeje kunkurikirana nanjye nkurikiza inama ze nibyo byamfashije kuba ntakibabara kuko ubu ndumva meze neza ngira ngo nawe urabibonye uburyo nkozemo imyitozo ubu icyo ngomba gukora ni ugukora cyane kugira mgo nongere ngaruke neza mu bihe byiza, ndetse no gufatanya na bagenzi banjye kwitegura umukino uzaduhuza na Rayon Sport.

Tubibutse ko Byiringiro yagize ikibazo k’imitsi yo mu itako ubwo APR yakinaga na Sunrise mu mukino w’ikirarane cy’umunsi wa 22 wa shampiyona, icyo gihe Lague yanatsinze igitego cya kabiri ku munota wa 70′ nyuma yaho nibwo yaje kugira icyo kibazo avamo ku munota wa 74′.

Kugeza ubu uy rutahizamu Byiringiro Lague ni uwa kabiri mu bafite ibitego byinshi muri APR FC inyuma ya Hakizimana Muhadjiri ufite ibitego 10 naho Lague we akaba amaze kugeza ibitego 7 muri shampiyona y’uyu mwaka.

Leave a Reply

Your email address will not be published. Required fields are marked *