E-mail: administration@aprfc.rw

Dukomeze kwirinda COVID-19 twitegura urugamba ruri imbere: Maj Gen Mubarakh Muganga

Ku gicamunsi cyo kuri uyu wa Gatatu nibwo ikipe ya APR FC yanyagiraga ikipe ya Mukura Vs mu mukino wa nyuma  w’imikino ya gicuti ikipe y’Ingabo z’Igihugu yari yarateguye mbere yo gutangira shampiyona.

Nk’uko byari biteganyijwe, ikipe ya APR FC yari yarateguye gukina imikino igera kuri itatu ya gicuti mbere yo gutangira shampiyona, iyo mikino harimo uwayihuje n’ikipe ya Rutsiro FC, Marine FC ndetse n’ ikipe ya Mukura VS ari nayo yasorejeho imikino ya gicuti kuri uyu wa Gatatu, ni umukino wanabonetsemo ibitego bigera kuri bine.

Ibitego bya APR FC bikaba  byatsinzwe na Nshuti Innocent watsinze igitego kimwe muri uyu mukino, Danny Usengimana watsinze ibitego bibiri na Mugunga Yves watsinze igitego kimwe, iyi kipe ikaba isoje imikino yayo yose uko ari itatu idatsinzwe igitego na  kimwe.

Nyuma y’uyu mukino ikipe yaganirijwe n’Umuyobozi wayo Maj Gen MK Mubarakh ari kumwe n’Umuyobozi wungirije Brig Gen F Bayingana n’ Umunyamabanga bwana Masabo Micheal, yibutsa abakinnyi ko intego
nyamukuru ari ugutwara igikombe ariko ko bizaturuka k’uburyo birinze icyorezo ya COVID-19.

Yagize ati” Turi mu bihe bitoroshye byo kwirinda icyorezo cya COVID-19 aho dusabwa kwitwararika cyane, nitwitwararika tuzakina twuzuye nta numwe ubuze dutware igikombe, twirinde gusuhuzanya kuko byadukururira ibibazo twirinde turinde n’abagenzi bacu twirinde gufata ibyo tubonye byose, na Mugenzi wawe ushaka kuguha impano mushimire cyane umubwire ko uri kwirinda udapfa gufata ibyo ubonye byose, ni dukomeza kwirinda bizadufasha cyane.

Ibi yabivuze mu gihe n’ishyirahamwe ry’umupira w’amaguru mu Rwanda FERWAFA rikomeza kwibutsa amakipe ko icya mbere ari ukubahiriza ingamba zo kwirinda icyorezo cya COVID-19 zashyizweho kugira ngo imikino izabashe gukinwa nta nkomyi.

Tubibutse ko ikipe ya APR FC izatangira imikino yayo ya shampiyona ku taliki ya 02 Gicurasi 2021 aho izakira ikipe ya Gorilla kuri Sitade ya Huye.

Leave a Reply

Your email address will not be published.