E-mail: administration@aprfc.rw

Byiringoro Lague yafashije APR FC gukura amanota atatu kuri Kiyovu Sport

APR FC yakuye amanota atatu kuri Kiyovu Sport mu mukino w’umunsi wa cumi wa shampiyona iyitsinze1-0 mu mukino wabereye kuri stade ya Kigali i Nyamirambo.

Igitego cya APR FC yakibonye mu gice cya mbere ku munota wa 28′ gitsinzwe na Byiringiro Lague wanagoye cyane ba myugariro ba Kiyovu Sport. APR yatanze Kiyovu kwinjira mu mukino itangira iyotsa igitutu byanashobokaga ko APR FC yabona ibitego byinshi mu gice cya mbere, ariko amahirwe bagiye babona ntibabashije kuyabyaza umusaruro.

Igice cya kabiri, Kiyovu Sport nayo yihariye umukino muri iki gice, nyuma yaho Issa Bigirimana wafatanyaga na Lague gutaha izamu yaviriyemo, byahaye amahirwe Kiyovu kotsa igitutu APR ishaka kugombora igitego yatsinzwe, gusa abasore ba Jimmy Mulisa babasha kwihararaho birangira amanota atatu yegukanywe na APR FC.

Gutsinda uyu mukino kuri AR FC byatumye ikomeza kuyobora urutonde rwa shampiyona n’amanota 22 mu mikino umunani imaze gukina mu gihe hamaze gukinwa imikino icumi ya shampiyona bivuze ko APR FC ifite imikino ibiri y’ibirarane.

Leave a Reply

Your email address will not be published. Required fields are marked *