Author: admin

Umunyezamu wa APR FC, Rwabugiri Umar wiyongereye ku bakinnyi icyenda ba APR FC bari mu mwiherero w'ikipe y'igihugu Amavubi yitegura imikino ibiri yo gushaka itike yo gukina imikino ya nyma y'igikombe cy'isi 2022, aho yahamagawe gusimbura mugenzi we Kimenyi Yves wagize ikibazo cy'imvune mu myitozo yo kuwa Kabiri tariki ya 9 Werurwe. Rwabugiri w'imyaka 27 wahise atangira imyitozo ejo kuwa Gatandatu, yari yari mu bakinnyi 12 ba APR FC bari muri 30 b'Amavubi yahagarariye u Rwanda muri CHAN 2020 yabereye muri Cameroon, Ikipe y'igihugu yaje kugarukira muri 1/4 cy'irangiza isezerewe na Guinea ku gitego 1-0. Ikipe y'igihugu Amavubi y'abakinnyi 31 izakira Mozambique i Kigali tariki ya 24 Werurwe 2021 ndetse ijye gusura Cameroun tariki ya 30 Werurwe 2021 muri Cameroun. Abaki

Umutoza w'ikipe y'igihugu Amavubi, Mashami Vincent yahamagaye urutonde rw'abakinnyi 31 bagomba kwitegura imikino ibiri mu rwego rwo guhatanira itike y’Igikombe cya Afurika cya 2021, iteganyijwe muri Werurwe uyu mwaka. Amavubi azakira Mozambique i Kigali tariki ya 24 Werurwe 2021 ndetse ajye gusura Cameroun tariki ya 30 Werurwe 2021 muri Cameroun. Abakinnyi ba APR FC bahamagawe ni Kapiteni Manzi Thierry, Mutsinzi Ange, Omborenga Fitina, Imanishimwe Emmanuel, Niyonzima Olivier Seifu, Ruboneka Bosco, Manishimwe Djabel, Byiringiro Lague na Usengimana Danny. Aba bose bakaba bakubutse muri CHAN 2020 aho u Rwanda rwageze muri 1/4 cy'irangiza. Amaubi akaba yarerekeje mu mwiherero i Bugesera muri La Palisse Hotel ejo ku Cyumweru, mu gihe bari butangire imyitozo kuri uyu wa Mbere

Rutahizamu wa APR FC akaba na Kapiteni w'ikipe y'igihugu Amavubi, Tuyisenge Jacques yahakanye amakuru yavugwaga ko agiye kwerekeza mu ikipe ya Young Africans yo muri Tanzania. Ni inkuru yanditswe ku mbuga nkoranyambaga ku mugoroba wo kuwa Gatatu tariki ya 4 Werurwe, ko Tuyisenge yaba yuriye rutemikirere yerekeza muri Tanzaniya kuvugana n'ubuyobozi bw'ikipe ya Young SC. Nyuma yo kubona ibi, twabajije uyu rutahizamu ko byaba ari ukuri nawe araduhakanira avuga ko ari inkuru mpimbano. Yagize ati: "Oya ntabwo ari byo pe nanjye nabibonye nk'uko namwe mwabibonye, ni inkuru mpimbano rwose jyewe ndi umukinnyi wa APR FC ibindi ni ibihuha"   Tuyisenge Jacques yasinye amasezerano y'imyaka ibiri yerekanwa nk'umukinnyi w'ikipe y'ingabo z'igihugu tariki ya 18 Nzeri, aza guhabw...

Izamarere Fan Club ni itsinda ry'abafana barengaho gato 200 bafite icyicaro mu mujyi wa Kigali, intego y'iri tsinda ni uguhuza abafana bari hirya no hino batari mu matsinda bakabatoza indangagaciro za APR FC bakabahuza n'ikipe bakunda ndetse n'ubuyobozi bwayo. Nk'uko bitangazwa na Perezida w'iri tsinda Ntwari Richard yatangiye atubwira igihe itsinda ryashingiwe ndese n'ibyiciro birigize. Yagize ati: ''Iri tsinda ryashinzwe tariki ya 22 Nzeri 2019 riza kumenyekana mu mwaka wa 2020, rigizwe n'ibyiciro bibiri, hari abo twita ko bakiri bato mu itsinda (academie) batozwa indangagaciro n'umurongo ngenderwaho w'ikipe nyuma y'aho bakazamurwa mu cyiciro gikuru (senior) ari nabo bemerwa nk'abafana b'imena b'itsinda. Yakomeje atwereka umwihariko w'itsinda ayoboye agereranyije n'a...

Inkoramutima za APR FC ni itsinda ry'abakunzi b'akadasohoka b'ikipe y'ingabo z'igihugu ziyemeje kugira uruhare mu kuzayiha ibikorwa bibiri binini bizayubaka kandi bikayiha ububasha bw'amikoro ahoraho yunganira ayo APR FC igenerwa n'ubuyobozi bukuru bw'Ingabo z'Igihugu. Umuhuzabikorwa w'iri tsinda Friend Sam bakunze kwita Kabange aganira na APR FC Website, yadusobanuriye iri tsinda iryo ari ryo ndetse n'igikorwa cyo kurihuza uko cyatangiye. Yagize ati: ''Ni igitekerezo nagize maze ngisha inama bagenzi banjye, nshaka abanyamuryango ba APR FC guhera muri Gashyantare 2020 ndabahamagara ndabaganiriza mbabwira ko ari igikorwa cyo kuba hafi y'ikipe dukunda atari ukuyirekera abayobozi gusa ahubwo tugomba kugira uruhare mu iterambere ryayo nk'abafatanyabikorwa ndetse n'abakunzi b'akadasoh

Abibumbiye mu itsinda ry'abakunzi ba APR FC, Online Fan Club rikorera mu mujyi wa Kigali bakomeje gukora ibikorwa by'ubugiraneza birimo gufasha bagenzi babo bagizweho ingaruka na COVID-19, abakoze impanuka zitandukanye zikababuza gukora ndtse no gusana inzu z'abarokotse Jenoside yakorewe abatutsi muri Mata 1994. Umuyobozi w'iri tsinda Muragijimana Pierre aganira na APR FC Website, yatangaje ko mbere na mbere bitaye ku banyamuryango b'iri tsinda cyane kugira ngo bahorane ubuzima buzira umuze babafasha mu buzima bwa buri munsi dore ko bamwe muri bo barya ari uko bakoze. Yagize ati: ''Ikintu twakoze mbere y'ibindi muri COVID-19, twabanje kwita ku banyamuryango tukabaremera kuko bamwe barya ari uko bakoze, twikoze ku mufuka turabafasha ubu bameze neza barishimira ibyiza byo kuba umuf...

Ubuyobozi bw'ikipe y'Umupira w'amaguru y'ingabo z'igihugu, burashimira byimazeyo abo bose bafashe umwanya wabo bakohereza ubutumwa bwihanganisha umuryango mugari w'uwahoze ari umuyobozi wa APR FC Lt Gen Jacques Musemakweli. Mu rukerera rwo kuwa 12 Gashyantare 2021, nibwo inkuru y'incamugongo yamenyekanye ko Lt Gen Jacques Musemakweli yitabye Imana, ari nabwo bamwe mu bakunzi b'umupira w'amaguru batangiye kohereza ubutumwa bufata mu mugongo umuryango we ndetse n'uwa APR FC. Umuhango wo gusezera bwa nyuma no gushyingura uwahoze ari umuyobozi wa APR FC Lt Gen Jacques Musemakweli wabereye ku Ikirimbi rya Gisirikare i Kanombe ejo tariki ya 19 Gashyantare, aho abawitabiriye bari biganjemo abo mu muryango wa nyakwigendera ndetse n’ abasirikare bakuru mu Ngabo z’u Rwanda. Usib

Kuwa Kane tariki ya 18 Gashyantare, rutahizamu wa APR FC akaba na kapiteni w'ikipe y'igihugu Amavubi, Tuyisenge Jacques yasezeranye imbere y'amategeko n'umukunzi we Musiime Recheal Jordin mu biro by'umurenge wa Kimihurura mu karere ka Gasabo mu mujyi wa Kigali. Urugendo rw’urukundo rw’aba bombi rwatangiye mu mwaka wa 2015. Bari barateganyije gusezerana imbere y’Imana nyuma gato yo gusezerana imbere y’amategeko, gusa byakomwe mu nkokora n’ingamba zo kurwanya COVID-19 nk’uko Tuyisenge Jacques yabibwiye APR FC Website. Yagize ati: ''Urabona ko turi mu bihe bigoye byo guhangana n'icyorezo cya COVID-19 kandi ubukwe bukaba butemewe, nk'uko bisanzwe bikorwa twari twarateganyije ko tuzabikorera rimwe, twava mu murenge nyuma gato tugasezerana imbere y'Imana ariko ntibyakunda, rero duteger

Myugariro wa APR FC n'ikipe y'igihugu Amavubi, Buregeya Prince aratangaza ko azirikana umusanzu wa nyakwigendera Lt Gen Jacques Musemakweli watabarutse tariki ya 12 Gashyantare 2021. Buregeya w'imyaka 22 yerekeje mu ishuri ry'umupira bw'amaguru rya APR FC mu mwaka wa 2015, atangaza ko nyakwigendera yabasuraga kenshi ndetse akababwira amagambo abatera imbaraga yatumye baba abagabo. Yagize ati: ''Icyo ntamwibagirirwaho, Afande yari umubyeyi, yari umubyeyi twese twishimiraga ari abakinnyi ari staff, twishimiraga uburyo yatuyoboragamo, uburyo yatubaga hafi, mu myitozo, ku mikino akaduha impanuro zitwereka ko tugomba gutsinda kandi tubishoboye, ni ikintu ntakwibagirwa. Uretse natwe n'umuryango mugari w'abakunzi b'umupira w'amaguru bari inshuti ze kuko yari umukunzi w'umupira ku buryo ...

Ku cyumweru tariki ya 14 Gashyantare, abakozi ba APR FC basezeye kuri Nyakwigendera Lt Gen Jacques Musemakweli wabaye umuyobozi w'ikipe guhera mu mwaka wa 2013 kugeza mu ntangiriro za 2021 witabye Imana tariki ya 12 Gashyantare 2021. Ni igikorwa cyabereye mu urugo iwe mu karere ka Kicukiro mu mujyi wa Kigali, kitabirwa n'umunyamabanga wa APR FC bwana Masabo Michel, abakinnyi 11, abatoza 4 ndetse n'abandi bakozi bashinzwe ubuzima bwa buri munsi bw'ikipe. Nyuma y'iki gikorwa, Kapiteni Manzi Thierry yatangaje ko amwibukira kuri byinshi birimo ubutumwa yohererezaga ikipe ndetse no kubibutsa kenshi gukomera kw'ikipe ya APR FC kugira ngo bifashe ikipe y'igihugu kwitwara neza ku ruhando mpuzamahanga. Yagize ati: ''Nyakwigendera Lt Gen Jacques Musemakweli icyo ntazamwibagirirwaho ni u...