E-mail: administration@aprfc.rw

APR FC yerekeje mu karere ka Rubavu

Ikipe ya APR FC irahaguruka i Kigali uyu munsi saa tatu (09H00) yerekeza mu karere ka Rubavu ari naho izakinira na Etincelles FC umukino w’ikirarane w’umunsi wa 13 wa shampiyona ku munsi w’ejo ku cyumweru kuri sitade Umuganda15H30.

Usibye abakinnyi bari mu ikipe y’igihugu y’abatarengeje imyaka 20: Songayingabo Shaffi, Nyirinkindi Saleh na Byiringiro Lague ndetse n’abari mu mvune nka; Nkizingabo Fiston urwayi imitsi yo mukuguru, Emery Mvuyekure na Tuyishime Eric bombi bafite ikibazo cy’umutsi wo mu itako, Sugira na Abouba bombi bamaze igihe barwaye, Nshuti Dominique Savio utemerewe gukina imikino ibanza ya shampiyona, abandi bose basigaye 21 akaba aribo APR FC ihagurukanye i Kigali ikazakuramo 18 iziyambaza mu mukino bazakina na Etincelles ku munsi w’ejo.

APR FC ikaba yari ifite imikino itatu y’ibirarane ya shampiyona, umukino wa mbere w’umunsi wa 15 yawukinnye na Espoir banganya 1-1, umukino wa kabiri w’umunsi wa 13 igomba gusura Etincelles FC kuri sitade Umuganda ku munsi w’ejo ku cyumweru, umukino wa nyuma w’ikirarane w’umunsi wa 14 wa shampiyona ikazasura ikipe ya Gicumbi FC ku kibuga cy’i Gicumbi kuwa Gatatu w’icyumweru gitaha.

Tubibutse ko usibye imikino ya shampiyona y’ibirarane, APR FC izanakina umikino w’ikirarane wo kwishyura wa 1/6 cy’igikombe cy’Amahoro kuwa 31 Werurwe 2018 aho APR FC izakina na Gitikinyoni FC. Mu gihe APR FC yakomeza, yazahura n’ikipe ya La Jeunesse kuwa 6 Mata 2018.

Leave a Reply

Your email address will not be published. Required fields are marked *