E-mail: administration@aprfc.rw

APR FC yerekeje i Rusizi iminsi ibiri mbere yo guhura na Espoir FC

Kuri uyu wa Gatanu saa munani z’amanywa nyuma y’imyitozo ya mu gitondo, ikipe y’ingabo z’igihugu yerekeje mu ntara y’uburengerazuba mu karere ka Rusizi mbere yo guhura na Espoir FC, mu mukino w’umunsi wa Makumyabiri na kane wa shampiyona uteganyijwe kuri Stade ya Rusizi ku Cyumweru Tariki 15 Werurwe saa cyenda z’igicamunsi.

Ikipe ikaba igiye kugenda ibirometero 243 ifite abakinnyi 21 batarimo umunyezamu Ahishakiye Herithier, myugariro Mutsinzi Ange, Manishimwe Djabel, Bukuru Christopher ndetse na Itangishaka Blaise bazaguma i Kigali.

Ahishakiye Herithier akaba atatoranyijwe mu banyezamu babiri bazifashishwa kuri uyu mukino, kuko umutoza mukuru Mohammed Adil Erradi yahisemo Rwabugiri Umar na Ntwari Fiacle. Mutsinzi Ange ndetse na Itangishaka Blaise bakaba bagifite imvune batarakira ngo bagaruke mu kibuga, mu gihe Manishimwe Djabel we ikarita yabonye mu mukino APR FC yatsinzemo Kiyovu Sports yaje yuzuza amakarita atatu y’umuhondo atamwemerera kugaragara kuri uyu mukino. Bukuru we akaba yarahawe ikarita itukura nyuma y’uyu mukino.

APR FC ya mbere ku rutonde rwa shampiyona by’agateganyo itaratsindwa na rimwe muri shampiyona, ikaba yicaye ku ntebe y’icyubahiro n’amanota 57 n’ibitego 33 izigamye, mu gihe izakirwa na Espoir FC irwanira kutamanuka mu cyiciro cya kabiri, kuko iri ku mwanya wa 14 n’amanota 17 gusa n’umwenda w’ibitego 20.

 

2 Comments

  • Jacques

    Hello les gars!
    Mbifurije kugera Rusizi amahoro no kuzatahana insinzi y’amanota atatu, gusa ndabasaba mu minota 30 y’umukino muzabe mwababitsemo ibitego bitatu ubundi mubigishe isomo rya ruhago. Murakoze.

  • ndeshyo

    Concerning the recent spat between coaches Nabil and Bekraoui ; it is true that Bekraoui is very enthusiastic and committed to his duties as assistant and fitness coach, and his enthusiasm may need to be tempered from time to time. But as a fitness coach, sports doctor and excellent nutritionist, he’s the best you can find ; he’s a real guru, capable of resurrecting, bringing back to life a player who is condemned to stay away from the football pitch.
    On the other hand, coaches of Nabil’s calibre are found in dozens in every city in Morocco. APR should think twice before taking any decision. Nabil should not make Dr. Bekraoui leave as easily as he made Sugira leave. This gives you some idea of what kind of confrontational man he can be. If he can’t make peace with Bekraoui, then he’s the one who should leave the club. And if you ask the players of APR FC, they will tell you about Nabil and Bekraoui, to whom they feel most indebted and closest.

Leave a Reply

Your email address will not be published. Required fields are marked *