E-mail: administration@aprfc.rw

APR FC yerekeje i Rubavu gukina na Marines FC (Amafoto)

 

Ikipe y’ingabo z’igihugu yahagurutse i Kigali ku gicamunsi cyo kuri iki cyumweru, yerekeza mu mujyi wa Rubavu yitegura gukina umukino w’umunsi wa kane wa Shampiyona y’u Rwanda 209-20 uzayihuza na Marines FC kuri Stade Umuganda kuwa kabiri saa cyenda z’igicamunsi.

Ikipe igizwe n’abakinnyi bose uko ari 25 yahagurutse iminsi ibiri mbere y’umukino, kugira ngo yitegure neza, abakinnyi bari mu ikipe y’igihugu Amavubi babone umwanya wo kuruhuka ndetse no kumenyera ikirere cy’i Rubavu.

Bikaba biteganyijwe ko ikipe izakorera imyitozo kuri Stade Umuganda ejo kuwa mbere ku gicamunsi nk’amasaha izakiniraho.

Byiringiro Rague ufasha abasatira izamu ndetse ukubutse mu ikipe y’igihugu Amavubi, akaba ytangaje ko uyu mukino APR FC iwiteguye neza ndetse igiye mu ntara y’Uburengerazuba kuzana amanota atatu

Yagize ati; ‘’ Umukino tuwiteguye neza abakinnyi muri rusange, ikitujyanye i Rubavu ni ukuzana intsinzi. Twakwizeza abafana ko tuzatahana amanota atatu’’

APR FC iri ku wa kabiri by’agateganyo n’amanota arindwi ndetse n’ibitego bine izigamye mu gihe  itarakina umukino wayo wa kane, urutonde ruyobowe na Mukura Victory Sports n’amanota umunani n’ibitego bitandatu izigamye,  , igakurikirwa na Rayon Sports n’amanota 7 ikaba izigamye ibitego bitatu.

3 Comments

  • Jacques

    Mwaramutseho!
    Mbanje kubifuriza ibihe byiza muri Rubavu, dore icyo mbisabira nk’umukunzi wa Equipe, murabona ko Equipes 4 ziri ku mwanya wambere byagateganyo, tukaba abambere kubera ibitego byinshi tuzigamye; bivuzeko mugihe tutarisobanura mu manota, dusabwa gutsinda ibitego byinshi Marine, byibura 4-0. turabizeye murashoboye ikindi umwuka ni mwiza. Mbifurije kuzamukana amanota 3 aherekejwe n’ibitego 4.

  • ndeshyo

    Nababajwe cyane n’ibyo Sugira aherutse kuvuga ! Ubwo Sugira, nti yashatse kuvuga ko Apr FC ari ikiryabarezi !!!
    Team yakumaranye imyaka ibiri ikwishyura million buri kwezi kandi utayikinira, ari n’ako ikuvuza, waravunikiye muli National Team, yakuvuzaga magendu !
    Aho abatoza bamwe bumvaga ko career yawe muli Football yaba yarangiye, bakubwiraga ngo wigire muli Basketball ! Coach Mohamed Erradi we akakubonamo Rutahizamu mwiza, ndetse atangira kukugarura kuli level nziza, yifuza kukugira a complete striker,atari wawundi utegereza ko bamutereka ball ku mutwe, cyangwa kukirenge ngo abone gutsinda, atari wawundi ujya kugonga Mutsinzi ngo aje kurinda izamu, uhusha penalty n’ubuswa bikabije. Umaze gutsinda udutego baguterekeye ku kirenge, none kwirenza umutoza umaze kugugeza aho ugeze, ngowowe ukunda gukora ducye ariko twiza !? None ngo ntabwo wari wiyumva muli Apr Fc, yakwihanganiye icyo gihe cyose, iguhemba ayo nta mukinyi w’umunyawanda yigeze ahembwa, igukorera ibyo byose ; none iyo Team ntabwo ayiyumva mo !?
    Ndi wowe nasaba imbabazi abayobozi n’aba fans ba Apr Fc ! Ibyo ari byo byose iyo mikoshi sinzi ikizayigukiza ? Amaherezo y’indashima ni nk’ubutindi bwabo ! N’ubundi ko yamaze imyaka ibiri iguhemba utayikinira ; ndi Apr Fc, nakongera nkaguhemba undi mwaka uza mu myitozo wicaye ku gatebe k’abasimbura. Nyuma y’umwaka akajya kugwa ku gasi !!!

  • Ildephonse

    APR yacu oyeeeeeee I Rubavu niho dukura 3 atatugoye ihuriro rizabe ihuro kuri Stade mpuzamahanga ya Rubavu Umuganda Rujugiro uramenye utazagenda tutabonanye kuko ngomba kuguha kamwe mumufana mugenzi wanjye.

Leave a Reply

Your email address will not be published. Required fields are marked *