E-mail: administration@aprfc.rw

APR FC yegukanye igikombe cy’Intwari ku nshuro ya gatatu

Ikipe y’ingabo z’igihugu APR FC Yongeye gushimangira ko ari ubukombe mu gutwara ibikombe bitandukanye mu Rwanda, Tariki ya 1/2/2020 nibwo hakinwaga umunsi wa nyuma w’igikombe cyitiriwe Intwari z’igihugu.

APR FC yakinaga na Kiyovu Sport umukino warangiye amakipe yombi anganyije 0-0 bihesha ikipe y’ingabo z’igihugu kwegukana iki gikombe iyoboye andi atatu bahatanaga ku giteranyo cy’amanota arindwi.

Amakipe yombi yamanutse mu kibuga Saa 15h30 mu mvura y’amahindu, APR FC yaje isabwa kunganya kugira ngo yegukane igikombe kubera ko yarushaga andi makipe amanota naho Kiyovu Sports yaje isabwa gutsinda kugira ngo nayo ibe yakwegukana iki igikombe.

N’ubwo ikibuga cyagoye abakinnyi bo kumpande zombi ariko berekanye umukino uryoheye ijisho ndetse wo ku rwego rwo hejuru ku mpande zombi.

Ubusatirizi bwa APR FC bwari buyobowe na Danny Usengima ndetse n’ubwa Kiyovu Sports bwari buyobowe na Robert Saba ukomoka mu gihugu cya Ghana, babonye uburyo bwo gutsinda ariko ba myugariro bo kumpande zombi bababera ibamba iminota mirongo icyenda yaje kurangira amakipe yombi aguye miswi

Mu gihe umukino wa mbere watangiye saa 13h00 Police FC yatsinze Mukura vs Ibitego 4-1 byanatumye Police isoza ku mwanya wa kabiri.

APR FC yashoje ku mwanya wa mbere n’amanota 7/9 nyuma yo gutsinda Mukura vs kumukino wa mbere 3-1
Itsinda Police FC umukino wa kabiri 1-0.

 

2 Comments

  • ndeshyo

    Twishimiye ko Apr Fc yegukanye igikombe ky’Ubutwari, kuko yar’igikwiriye. Tukaba na none twongera kugaya cyane Team ya Rayons Sports, yasuzuguye icyo gikombe gifite icyo kivuze ku banyarwanda twese ; tukaba twibaza icyatuma iyasuzuguye igikombe cy’Ubutwari yahamagarwa mu gikombe cy’Amahoro !

    Dushima byinshi kuli Apr Fc, ariko hakaba n’ibindi byo kugaya.
    Niba hari Team yigeze kugira abanyezamu beza, yanatangaga muli National Team, ni Apr Fc. Ni ne wakwibagirwa Mahmoud Mossi Matungulu, Ndoli, Ndayishimiye Eric Bakame, simvuze Ndanda ; ariko Apr Fc yajya gushaka umutoza w’abanyezamu bayo ntiyatekereza kur’abo, ikajya kuzana utigeze na rimwe afatira Apr Fc, cyangwa National Team ; uwari wariyemeje kwibera driver wa bus team ya Rayons, kubera kuyiyumvamo bamwe mu bayobozi ba Apr Fc, bahisemo ngo ababere umutoza w’abanyezamu ! Come on ! Nta no kurwana ishyaka mukigira ? You don’t even have any self-respect ?!

    • Papa Blaise

      Sha wajyaga ugira igitekerezo ariko noneho watuma tukunyuzamo ijisho ntamuntu ugamije iterambere urebera umukozi munkomoko ye!ntuzongere kuvanga ibitekerezo byawe n’iterambere

Leave a Reply

Your email address will not be published. Required fields are marked *