E-mail: administration@aprfc.rw

APR FC yegukanye Igikombe cya 20 cya Shampiyona, icya gatatu yikurikiranya

APR FC yatsinze Police FC ibitego 2-0 mu mukino w’umunsi wa 30 wa Shampiyona, yegukana igikombe cya Shampiyona ku nshuro ya 20. Uyu mukino wabereye kuri Stade ya Kigali i Nyamirambo kuri uyu wa Kane, watangiye saa Cyenda na cumi n’itanu (15h15)

Ikipe ya APR FC yatangiye yiharira umupira ishakisha ibitego hakiri kare, ariko amahirwe menshi bagiye babona bagorwa no kuyabyaza umusaruro kugeza ubwo igice cya mbere cy’umukino cyarangiye amakipe yombi anganya 0-0.

Iminota 15 baruhutse, abasore b’umutoza Adil Mohammed baje bariye amavubi bataka cyane ikipe ya Police FC biza no kuyihira ku munota wa 51′ Mugisha Gilbert afungura amazamu atsindira APR FC igitego cya mbere.

Umukino ugana ku musozo ku munota wa 90′ Mugisha Gilbert yatsinze igitego cya kabiri ku ishoti rikomeye yateye rikubita umutambiko w’izamu rimanukira my rushundura, umukino rangira APR FC yegukanye amanota atatu yanayifashije kwegukana igikombe cya shampiyona cy’uyu mwaka w’imikino wa 2021-22. Akaba ari igikombe cya 20 cya shampiyona APR FC yegukanye, ndetse kiba igikombe cya gatatu kikurikiranya yegukanye.

Ikipe y’ingabo z’igihugu APR FC ikaba yegukanye igikombe cya shampiyona irusha Kiyovu Sport iyikurikira ku rutonde rwa shampiyona inota rimwe.

Ni igikombe cya Shampiyona APR FC yegukanye, gisanze icyo mu 1995, 1996, 1999, 2000, 2001, 2003, 2005, 2006, 2006/2007, 2008/2009, 2009/2010, 2010/2011, 2011/2012, 2013/2014, 2014/2015, 2015/1016, 2017/2018 na 2019/20, 2020/2021.

Amafoto:

 

Leave a Reply

Your email address will not be published. Required fields are marked *