E-mail: administration@aprfc.rw

APR FC yahawe igikombe cya shampiyona, Muhadjiri na Savio bayishafa gutangira neza

Kuri uyu wa Gatanu tariki 19 Ukwakira 2018 nibwo APR FC yahawe igikombe cya shampiyona y’umwaka w’imikino wa 2017-2018 yatwaye ifite amanota 66, mbere yuko ikina na Amagaju FC mu mukino w’umunsi wa mbere wa shampiyona y’umwaka w’imikino 2018-2019.

Hari tariki 26 Gicurasi 2018 nibwo ikipe ya APR FC yegukanye igikombe cya Shampiyona ya 2017/2018 nyuma yo gutsinda Espoir FC 2-0 kuri Stade Amahoro i Remera. Byari biteganyijwe ko APR FC ishyikirizwa iki gikombe ku isaha ya saa cyenda kuri Stade ya Kigali ariko yagihawe nyuma gato kubera imvura nyinshi yaguye mu bice byinshi bitandukanye by’u Rwanda yewe ndetse no mu Mujyi wa Kigali.

Imvura igabanutse, nibwo abakinnyi ba APR FC baje mu kibuga, bambwikwa imidali. Umuyobozi wa Azam TV Rwanda ashyikiriza kapiteni wa APR FC Mugiraneza Jean Baptiste Migi, sheki ya mafaranga Miliyoni 25 FRW agenerwa ikipe yatwaye igikombe cya Shampiyona. Sekamana Jean Damascene , Perezida wa FERWAFA nawe ashyikiriza Migi igikombe cya Shampiyona.

Iki gikombe APR FC yegukanye n’igikombe cya 17 cya shampiyona yegukanye, ikaba ari nayo ifite ibikombe byinshi mu Rwanda, Ibikombe bya Shampiyona APR FC yegukanye ni : 1995, 1996, 1999, 2000, 2001, 2003, 2005, 2006, 2007, 2009, 2010, 2011, 2012, 2014, 2015, 2016 na 2018.

Nyuma yo gushyikirizwa igikombe, APR FC yari mu rugo n’ubundi yatangiye urugendo rwa 2018-2019 batsinda Amagaju FC ibitego 2-0 mu mukino wakiniwe kuri sitade ya Kigali iri i Nyamirambo. Ibi bitego byombi byabonetse mu gice cya mbere bitsinzwe na Muhadjiri Hakizimana ndetse na Nshuti Savio

Leave a Reply

Your email address will not be published. Required fields are marked *