Kuri uyu wa Kabiri saa sita zuzuye (12h00), nibwo ikipe y’ingabo z’igihugu yasesekaye ku kibuga cy’indege mpuzamahanga cya Kigali i Kanombe ivuye Tunis muri Tunisia aho yasezerewe na US Monastir ku giteranyo cy’ibitego 3-1 mu ijonjora rya mbere rya CAF Champions league.
Ikipe yahagurutse Tunis na Qatar Airways ya saa kumi zuzuye ikora urugendo rw’amasaha cumi n’atanu. Umukino ubanza APR FC yatsinze US Monastir igitego 1-0 mu gihe uwo kwishyura US Monastir yatsinze APR FC ibitego 3-0.
Ikipe ikaba igiye gukomereza yitegura imikino ya shampiyona aho igomba guhura na Rwamagana City tariki ya 2 Ukwakira kugeza ubu abakinnyi bakaba bahawe ikiruhuko.
