E-mail: administration@aprfc.rw

APR FC itsinze Marines FC 3-0 ikomeza kuyobora urutonde rwa shampiyona

Ibitego bya Manishimwe Emmanuel, Byiringiro Lague na Niyonzima Olivier Sefu bihesheje APR FC gukomeza kuyobora urutonde rwa Shampiyona irusha amanota ane Rayon Sports iyikurikiye, ni nyuma yo gutsinda Marines FC ibitego 3-0 mu mukino w’umunsi wa 19 wabereye kuri Stade ya Kigali kuri iki Cyumweru.

Umukino watangiye amakipe yombi ahererekanya neza cyane kuburyo iminota ibanza, umupira wakinirwaga hagati cyane aeiko APR FC ikanyuzamo igasatira ariko ntibashe kubyaza umusaruro uburyo bwiza bagiye babona mu minota ya mbere kugeza ubwo Manishimwe Emmanuel yafunguraga amazamu ku munota wa 34, ku mupira mwiza yahawe na Manishimwe Djabel.

Kubona igitego kuri APR FC byabaye nk’ibiyongerera imbaraga ndetse yanashoboraga kubona igitego cya kabiri ku mupira wahinduwe na Usengimana Dany ku munota wa ariko Niyomugabo Claude warebanaga n’umuzamu wa Marines ntiyabasha kuwuboneza mu rushundura.

APR FC yakomeje gushakisha ikindi gitego, maze mbere y’uko igice cya mbere kirangira, yongera kubona ikindi gitego ku munota wa 45′ gitsinzwe na Byiringiro Lague ku mupira mwiza yawe na Bukuru Christophe ndetse amakipe yombi ajya kuruhuka APR FC ifite ibitego byayo bibiri.

Igice cya kabiri nabwo APR FC yatangiye isatira bikomeye ishakisha ikindi gitego cyane kuri Dany Usengimana wabonye amahirwe menshi ntiyabasha kuyabyaza umusaruro. Ku munota wa 65′ Marines FC yaje guhusha igitego ku mupura mwiza bari bambuye Andrew Butera maza Rwabugiri Omar akora akazi gakomeye cyane arokora ikipe ye.

Ku munota wa 85′ APR FC yaje kubona igitego cya gatatu gitsinzwe na Niyonzima Olivier Sefu ku mupira mwiza yari ahawe na Nkomezi Alex nyuma y’ikosa ryari rimaze gukorerwa Dany Usengimana.

Umutoza Mohammed Adil Erade yako impinduka zitandukanye aho ku ikubitiro yakurye Bukuru Christophe asimburwa na Niyonzima Olivier Sefu, Ishimwe Kevin asimbura Byiringiro Lague naho Manishimwe Djabel asimburwa na Nkomezi Alex

Gutsinda uyu mukino byatumye APR FC ikomeza kuyobora urutonde rwa Shampiyona n’amanota 44 ikaba igiye gukomeza kwitegura umukino wo kwishyura w’igikombe cy’Amahoro uzabahuza na Etoile de l’Est kuwa Gatatu i Ngoma.

Leave a Reply

Your email address will not be published. Required fields are marked *