E-mail: administration@aprfc.rw

APR FC itsinze Kiyovu Sports 1-0 yuzuza imikino 23 itaratsindwa

APR FC ikomeje kuyobora urutonde rwa shampiyona n’amanota 57, nyuma yo gutsinda Kiyovu Sports igitego 1-0 mu mukino w’umunsi wa 23 muri shampiyona.

Kugeza ubu APR FC ntiratsindwa umukino n’unwe, uyu munsi yari yakiriye ikipe ya Kiyovu Sports kuri Stade ya Kigali i Nyamirambo saa 15:00’

Abasore ba APR FC bamaze imikino 22 bataratsindwa umukino n’umwe, baje muri uyu mukino ubona ko intego ari yayindi yo gushaka amanota atatu ndeste banashaka igitego hakiri kare, ntibyatinze kubahira kuko APR FC yaje kubona igitego ku munota wa 17 gitsinzwe na Nshuti Innocent ku mupira yari ahawe na Emmanuel Imanishimwe.

 

APR FC yakomeje gushaka ikindi gitego kugira ngo barusheho kwizera intsinzi mbere y’uko umukino urangira ndetse banabonye uburyo bwinshi, ari nako na Kiyovu Sports yashakaga uko yishyura iki gitego ariko amakipe ajya kuruhuka ari 1-0.

APR FC yatangiye igice cya kabiri ikora impinduka, Nshuti Innocent watsinze igitego yavuyemo asimburwa na Byiringiro Lague, izi mpinduka zafashije APR FC mu gice cy’ubusatirizi dore ka bagiye babona amahirwe menshi nk’imipira Lague na Sefu bahaye Danny ariko ntabashe kuyibyaza umusaruro.

Umutoza wa Mohammed kandi yagiye akora izindi mpinduka zitundukanye Manishimwe Djabel yasimbuwe na Ishimwe Annicet, naho Usengimana Dany asimburwa Mushimiyimana Mohammed.

N’ubundi nta cyahindutse nyuma yo gutsinda uyu mukino APR FC iracyarusha amanota arindwi Rayon Sports iyikurikiye. APR FC ikaba igiye gukomeza kwitegura umukino uzayihuza na Espoir ku Cyumweru kuri stade ya Rusizi.

Leave a Reply

Your email address will not be published. Required fields are marked *