E-mail: administration@aprfc.rw

APR FC irakomeza imyitozo kuri uyu wa Kabiri yitegura Police FC

Shampiyona y’icyiciro cya mbere Azam Rwanda premier league igeze ku munsi wayo wa mirongo itatu ari nawo munsi wa nyuma, APR FC ikaba ikomeje imyitozo yitegura umukino uzayihuza na Police FC kuri uyu wa Gatandatu

APR FC imaze iminsi yitegura uyu mukino, izaba ifite myugariro wayo Rusheshangoga Michel utaragaragaye mu mukino baheruka gukina na Espoir kubera ko yari afite amakrita atatu y’umuhondo,ndetse na Amran Nshimiyimana nawe warurimo akiruka marariya. Ariko kandi izakina uyu mukino idafita Adrew Butera nawe ukirwaye marariya.

Usibye abo, APR FC kandi izaba ifite rutahizamu wayo wanakiniye ikipe ya Police FC Usengimana Dany wari umaze iminsi afite imvune mu kagombambari yagize ubwo yari mu myitozo bitegura wa AS Muhanga, ubu akaba yarakize ndetse yanatangiye imyitozo. Ikipe ya APR FC ikaba iri bukore imyitozo uyu munsi saa tatu (09h00′) i Shyorongi ibanziriza iya nyuma ku munsi w’ejo saa cyenda n’igice (15h30′) i Shyorongi.

Police FC izakira uyu mukino kugeza ubu ifite amanota 50 ikaba iri ku mwanya wa 4, mu gihe ikipe ya APR FC izaba ari umushyitsi yo ifite amanoto 62 ikaba iri ku mwanya wa 2 ku rutonde rwa shampiyona.

Leave a Reply

Your email address will not be published.