E-mail: administration@aprfc.rw

APR FC yakoze imyitozo ya nyuma yitegura Gasogi United (Amafoto)

Kuri uyu wa Gatandatu Tariki ya 07 Nzeri, Ikipe ya APR FC yakoreye imyitozo ku kibuga cya Shyorongi yitegura umukino wa gicuti wa kabiri izahuramo na Gasogi United yazamutse mu cyiciro cya mbere umwaka ushize w’imikino, kuri iki cyumweru kuri Stade ya Kicukiro saa cyenda n’igice. Uwa mbere wakiniwe ku kibuga cy’imyitozo cya Shyorongi Tariki ya 01 Nzeri, APR FC ikaba yaratsinze Heroes FC yazamutse mu cyiciro cya mbere umwaka ushize ibitego 4-0.

Abakinnyi 20 nibo bitabiriye imyitozo y’uyu munsi, barimo 17 bo mu ikipe ya mkuru ndetse na batatu baturutse mu Intare FC, aba bakaba barimo Nkomezi Alex witoreje ku ruhande wenyine kubera imvune yoroheje yagiriye mu myitozo ishobora gutuma atagaragara kuri uyu mukino, Mushimiyimana Muhammed ukina hagati, ba rutahizamu Nshuti Innocent  na Nizeyimana Djuma nabo bakaba bagarutse ndetse bashobora kwiyambazwa ku mukino wa gicuti na Gasogi United nk’uko umutoza mukuru yabitangarije umunyamakuru wa APR FC.  Butera Andrew na Manishimwe Djabel bo bakaba basubiye mu mwiherero w’ikipe y’igihugu Amavubi ngo bafatanye n’abandi kwitegura Seychelles.

Myugariro Mutsinzi Ange mu myitozo

 

Buregeya Prince mu kirere ubwo yakoraga imyitozo yo gusimbuka

Ikipe y’Ingabo z’Igihugu ikaba izakina uyu mukino mu rwego rwo kwitegura irushanwa ry’Agaciro Football Tournament ndetse n’imyiteguro ya Shampiyona y’umwaka utaha. Abakinnyi bose bakaba bazagaragara kuri uyu mukino uretse abari mu butumwa bw’Ikipe y’Igihugu Amavubi yitegura umukino wo kwishyura wo guhatanira itike y’igikombe cy’Isi uzayihuza n’Ibirwa bya Seychelles Tariki ya 10 Nzeri 2019.

Nshuti Innocent ukize imvune y’amezi ane yiteguye neza Gasogi United n’irushanwa ry’Agaciro Football Tournament 2019

Abakinnyi bitabiriye imyitozo y’uyu munsi: Ntwali Fiacle, Ahishakiye Herithier, Niyomugabo Claude, Mutsinzi Ange, Rwabuhihi Aimee Placide, Nkomezi Alex, Nizeyimana Djuma, Ishimwe Kevin, Bukuru Christopher, Ngabonziza Gylain, Mushimiyimana Muhammed, Byiringiro Rague, Nshuti Innocent, Buregeya Prince, Usengimana Danny,Nshimiyimana Yusunu, Mugunga Yves, Nkusi Didier, Byiringiro Gilbert ndetse na Hagumubuzima Issa.

Abakinnyi bari mu butumwa bw’Ikipe y’Igihugu Amavubi: Umunyezamu Rwabugiri Umar, ba myugariro Manzi Thierry, Ombolenga Fitina na Imanishimwe Emmanuel, abakina hagati Butera Andrew, Niyonzima Olivier Seifu, Manishimwe Djabel na rutahizamu Sugira Ernest.

Myugariro Nshimiyimana Yusunu ukina imyuma ku ruhande rw’iburyo yazamuwe mu ikipe nkuru nyuma y’umwaka ushize w’imikino avuye mu ishuri ry’umupira rya APR FC
Rutahizamu Danny Usengimana watsinze ibitego bibiri mu mukino ushize wa gicuti APR FC yatsinzemo Heroes FC ibitego 4-0
Ishimwe Kevin ufasha abataha izamu yiteguye mu myitozo y’uyu munsi
Rutahizamu Mugunga Yves yatsinze kimwe mu bitego bine ku busa APR FC yatsinze Heroes FC mu mukino wa gicuti
Bamwe mu bakinnyi ba Intare FC bakoranye na APR FC
Yari imyitozo yari irimo no gutebya
Umutoza mukuru Mohammed Adil Erradi yereka ba rutahizamu Danny Usengimana na Nshuti Innocent uko bakwiye gushaka bitego
Umutoza wungirije Nabyl Bekraoui yishimiye imyitozo y’uyu munsi uko yagenze

 

Rutahizamu Nizeyimana Djuma ukize imvune yiteguye neza Gasogi United, Agaciro Football Development ndetse n’umwaka utaha wa shampiyona
Imyitozo ya nyuma yari yiganjemo ibitwenge
Ngabonziza Gylain nawe wazamuwe mu ikipe nkuru yatsinze igitego cya coup-franc mu mukino APR FC yatsinzemo Heroes FC ibitego 4-0
Nkusi Didier ukina mu Intare FC arekura ishoti mu izamu ryari ririnzwe na Ntwali Fiacle

 

Nkomezi Alex ugifite ikibazo cy’imvune ntabwo azagaragara ku mukino w’ejo uzahuza APR FC na Gasogi United
APR FC isanzwe ikorera imyitozo ku kibuga cya Shyorongi

Leave a Reply

Your email address will not be published. Required fields are marked *