Ku mugoroba wo kuwa Kabiri tariki ya 15 Ukuboza, ikipe y’ingabo z’igihugu yapimwe icyorezo cya COVID-19 mbere y’uko abakozi bayo bose bava mu mwiherero basubira mu ngo zabo mu rwego rwo kubahiriza itangazo rya Minisiteri ya siporo ryasubitse shampiyona y’umupira w’amaguru.
Ni igikorwa cyatangiye saa kumi z’umugoroba kibera ku kigo cya RBC gipima COVID-19 giherereye i Gikondo (Gikondo COVID-19 testing site) gisozwa saa kumi n’imwe n’igice.
Biteganyijwe ko nyuma yo kubona ibisubizo bisohoka kuri uyu wa Gatatu, abakozi b’ikipe y’ingabo z’igihugu bose bataha mu ngo zabo bakazategereza itangazo rya Minisiteri ya siporo risubukura shampiyona.
Shampiyona yasubitwe APR FC imaze gukina umukino umwe yatsinzemo Kiyovu Sports igitego 1-0 kuri Stade ya Kigali kuwa Gatanu tariki ya 11 Ukuboza 2020.
