E-mail: administration@aprfc.rw

Abakozi ba APR FC bapimwe COVID-19 ku shuro ya gatanu

Kuri uyu wa Gatandatu tariki ya 14 Ugushyingo, abakozi b’ikipe y’Ingabo z’igihugu bapimwe COVID-19 ku nshuro ya gatanu aho ikipe icumbitse mu mwiherero i Shyorongi.

Ni igikorwa cyatangiye saa tatu zuzuye za mu gitondo aho ikipe icumbitse ikomeje kwitegura imikino nyafurika ya CAF Champions league, mi ijonjora rya mbere igomba guhura na Gor Mahia i Kigali hagati ya tariki ya 27 na 29 Ugushyingo i Kigali, mu gihe uwo kwishyura uzabera i Nairobi hagati ya tariki ya 4 n’iya 6 Ukuboza 2020 kuri stade ya Kigali.

Muganga w’ikipe Capt Twagirayezu Jacques nawe yapimwe
Itangishaka Blaise ukina hagati yapimwe COVID-19

Abakozi ba APR FC baherukaga gupimwa COVID-19 ku nshuro ya kane tariki ya 3 Ugushyingo ku bitaro bya gisirikare i Kanombe, mbere y’uko ikipe isubira mu mwiherero gukomeza kwitegura umwaka utaha w’imikino.

APR FC ipimishije abakozi bayo umunsi umwe mbere y’umukino wa gicuti izakiramo Etincelles FC ku Cyumweru Tariki 15 Ugushyingo saa cyenda zuzuye z’igicamunsi kuri Stade ya Kigali.

Ikipe y’ingabo z’igihugu ifite intego yo kugera mu matsinda y’imikino nyafurika ya CAF Champions league, gutwara CECAFA Kagame Cup ndetse no kwegukana ibikombe byose bikinirwa imbere mu gihugu umwaka utaha w’imikino.

Andi mafoto

Rutahizamu Byiringiro Lague nawe yapimwe
Umuganga apima rutahizamu Mugunga Yves
Mushimiyimaha Mohammed ukina hagati apimwa COVID-19
Ishimwe Annicet ukina afasha abataha izamu apimwa COVID-19
Rutahizamu Bizimana Yannick nawe yapimwe ku nshuro ya gatanu

Leave a Reply

Your email address will not be published. Required fields are marked *