E-mail: administration@aprfc.rw

Abakozi ba APR FC bapimwe COVID-19 ku nshuro ya gatandatu mbere y’imikino ibiri ya gicuti

 

Abakozi b’ikipe y’Ingabo z’Igihugu bapimwe icyorezo cya COVID-19 mbere yo gukina imikino ibiri ya gicuti iteganyijwe uyu munsi n’ejo kuwa Mbere.

Abakinnyi 30, abatoza bane, abashinzwe ubuzima bwa buri munsi bw’ikipe ndetse n’abakozi ba Dian Fossey Hotel nibo bapimwe COVID-19, mbere y’uko ikipe ihura na Musanze FC kuri iki cyumweru na Arta Solar 7 ejo kuwa Mbere imikino yombi iteganyijwe gutangira saa cyenda zuzuye z’umugoroba.

Umutoza w’abanyezamu Mugabo Alex yapimwe
Kapiteni w”ikipe Manzi Thierry nawe yapimwe COVID-19

APR FC yaherukaga gupimisha abakozi bayo tariki ya 14 Ugushyingo, yongeye nyuma y’icyumweru kimwe nk’uko isanzwe ibigenza.

Iyi mikino yombi irategura umukino w’ijonjora rya mbere rya CAF Champions league izahuramo na Gor Mahia kuwa Gatandatu tariki ya 28 Ugushyingo saa cyenda zuzuye z’umugoroba kuri Stade ya Kigali, mu gihe uwo kwishyura uzakinwa muri Kenya hagati ya tariki ya 4na 6 Ukuboza 2020.

Imanishimwe Emmanuel yapimwe icyorezo cya COVID-19
Myugariro Omborenga Fitina apimwa COVID-19

Umwaka utaha w’imikino Ikipe y’Ingabo z’Igihugu ifite intego yo kugera mu matsinda ya CAF Champions league, gutwara CECAFA Kagame Cup y’umwaka utaha no kwegukana ibikombe byose bikinirwa imbere mu gihugu.

Andi mafoto

Mfitubutumwa Theophile umuyobozi w’abakozi ba Dian Fossey yapimwe COVID-19
Byiringiro Jean Baptiste umuyobozi w’igikoni gitegurira APR FC amafunguro nawe yapimwe
Rutahizamu Danny Usengimana apimwa icyorezo cya COVID-19
Umunyezamu Ahishakiye Herithier nawe yapimwe
Erneste Habumugisha ‘2PAC’ ushinzwe imicungire y’ibikoresho by’ikipe (Kit Manager) nawe yapimwe

Leave a Reply

Your email address will not be published. Required fields are marked *