Ubuyobozi bw’ikipe ya APR FC bwapimishije abakinnyi bayo ndetse n’abatoza icyorezo cya Covid-19 nyuma yo guhabwa uburenganzira bwo gutanyira imyitozo bitegura CAF Champions League.
Iki gikorwa cyabaye kuri uyu wa Gatatu tariki 18 Kanama 2021 kikaba cyabimburiye itangira ry’imyitozo y’ikipe y’ingabo z’igihugu yitegura umwaka utaha w’imikino cyabereye, Kimihurura ku biro by’iyi kipe cyatangiye saa tatu za mu gitondo, kikaba kitabiriwe n’ Abakinnyi 19, Abatoza 04 n’abandi bakozi bose bashinzwe ubuzima bwa buri munsi bw’ikipe.
Umwaka utaha w’imikino APR FC ikaba izitabira amarushanwa y’imbere mu gihugu, ndetse na CAF Champions League. Ikaba ifite intego yo guhatanira ibikombe byose bikinirwa mu Rwanda, no kugera mu matsinda ya CAF Champions League.
